Елордада «Халық бухгалтері» науқаны жалғасуда, ол кәсіпкерлер мен шағын бизнес өкілдеріне салықтық, бухгалтерлік есеп және салықтық режимдер мәселелері бойынша тегін консультациялар ұсынады. 
2026 жылдың қаңтар айында басталған жобаның аясында елорда тұрғындарының екі мыңнан астамы салық салу және бухгалтерлік есеп бойынша өзекті мәселелер бойынша кәсіби көмек алды.
Кәсіпкерлерден келіп түскен негізгі сұрақтар төмендегідей:
•    салықтық режимді таңдау және оған көшу,
•    салықтық жеңілдіктер мен шегерімдер,
•    электрондық құжаттама (шот-фактуралар, ҚҚС),
•    өзін-өзі жұмыспен қамтығандар үшін салық салу.
«Халық бухгалтері» науқаны шағын және орта бизнеске тегін консультациялар алу мүмкіндігін ұсына отырып, кәсіпкерлердің салықтық сауаттылығын арттыруға және олар мен мемлекеттік органдар арасындағы өзара байланысты жақсартуға септігін тигізеді.
Өткізу мерзімі:
2026 жылдың 5 қаңтарынан 30 маусымына дейін.
Консультациялар кестесі:
Қаңтар–ақпан: аптасына үш рет (дүйсенбі, сәрсенбі, жұма) 10:00-ден 13:00-ге дейін.
Наурыз айынан бастап: аптасына екі рет.
Елордадағы консультация мекенжайлары:
•    Алматы, Сарайшық аудандары: Жұбанова көшесі, 16.
•    Есіл ауданы: Мәңгілік Ел даңғылы, 63.
•    Нұра ауданы: Қабанбай батыр көшесі, 33.
•    Сарыарқа ауданы: М. Ауэзов көшесі, 34.
•    Байқоңыр ауданы: Ш. Айманов көшесі, 6.
Ескерту: Консультациялар толығымен тегін беріледі.