Жеке кәсіпкердің (бұдан әрі-ЖК) қызметін камералдық бақылау мен салықтық тексерулер жүргізбей оңайлатылған тәртіппен тоқтату үшін келесі шарттарға сәйкес келу қажет:

•        ҚҚС бойынша есепте тұрмау;

•        бірлескен кәсіпкерлік нысанында қызметті жүзеге асырмау;

•        салықтар мен әлеуметтік  бойынша берешек болмау;

•        жекелеген қызмет түрлерінің тізіміндегі қызметпен айналыспау;

•        таңдамалы салықтық тексерулер тізімінде болмау;

•        тәуекелдерді басқару жүйесі бойынша жоғары тәуекел дәрежесіне ие болмау.

Сонымен бірге келесі құжаттарды бір уақытта ұсыну қажет:

•        қызметті тоқтату туралы салықтық өтініш;

•        тарату салық есептілігі;

•        бақылау-касса машинасын есептен шығару туралы салықтық өтініш (бар болса).

ЖК таратудан бас тарту себептері:

•        ЖК оңайлатылған рәсім шарттарына сәйкес келмеген жағдайда;

•        тарату туралы өтініш берілген күннен бастап 10 күн ішінде салықтар мен әлеуметтік төлемдер төленбегенде.

Бұдан басқа, ЖК мәртебесін салық төлеушінің жеке кабинетінде, ЖК иесінің ЖСН бойынша МКК сайтында немесе e-salyq Azamat қосымшасында тексеруге болады.