Астана қаласы бойынша Мемлекеттік кірістер департаменті 2024 жылдан бастап тұрғылықты жері бойынша 250.00 (активтер мен міндеттемелер туралы) және 270.00 (кірістер мен мүлік туралы) нысандары бойынша 15 қыркүйекке дейін декларацияларды берудің бірыңғай мерзімі белгіленгенін хабарлайды.

3 кезең шеңберінде, 2024 жылғы 1 қаңтардан бастап декларацияны заңды тұлғалардың басшылары мен құрылтайшылары (қатысушылары), дара кәсіпкерлер және олардың жұбайлары, сондай-ақ қызметін тоқтатқандар немесе әрекетсіз салық төлеушілер тізімінде тұрғандар ұсынады.

Декларацияны ұсыну тәсілдері

Декларацияны «Салық төлеуші кабинеті», «Электрондық үкімет» веб-порталдары, «e-SalyqАzamat», Halyk, Bank CenterCredit мобильді қосымшалары арқылы ұсынуға болады. Сондай-ақ азаматтар декларацияны қағаз нұсқада, пошта арқылы немесе өздері барып ұсынуға құқылы.